Lizette Murray

Die Alfabet van oorvloed

Attention: open in a new window. PDFPrintE-mail

AlfabetVanOorvloed page 0001
Wanneer jy Lizette Murray se skryfwerk lees, word al jou sintuie betrek. Maar dis veral jou hart wat sy aanraak.

 

Met haar diep insig in ons menseverhoudings, en haar deurwinterde wysheid as ma en ouma, neem sy jou op ’n reis vol liefde en skoonheid. ’n Reis van saamwees, familie-dinge.

 

Lizette weet hoe om fyn waar te neem, en dan keurig haar woorde te kies om dinge te beskryf waarmee ons ons maklik kan vereenselwig. Sy skryf onopgesmuk en met ’n teerheid wat jou oopmaak vir die gedagtes wat sy deel.

 

Skink ’n koppie tee, en lees rustig Lizette se vertellings in hierdie boek. Laat die gloed van God se teenwoordigheid wat in elke vertelling deursyfer jou baai in sy liefdesoorvloed.

 

Aanlyn Winkel - https://eshop.bybelmedia.org.za/product-category/kersfees-2020/

Telefoniese Aankope - Kontak 021 864 8211 of per epos by  This e-mail address is being protected from spambots. You need JavaScript enabled to view it

 

WB NOV2020 Kersf 2 Copy

 

Oomblikke van Stilte

Attention: open in a new window. PDFPrintE-mail

oomblikkevanstilte

In elke Christen se hart leef die versugting: “Here, help my om u stem te hoor! Leer my hoe om by U tot rus te kom.”

In Oomblikke van stilte word die leser gelei om fyn te luister en te hóór – en in gehoorsaamheid op te staan en te dóén. Die dagstukkies neem ons op die spoor van Bybelfigure wat God heelhartig gevolg het. Daar is egter ook die twyfelaars en hardkoppiges, en dié – soos klein Samuel – wat nog moet leer om God se stem tussen die baie ander stemme te herken. Ons word met ons eie geloofspad gekonfronteer: Met die dinge wat ons van ’n gehoorsaamheidslewe weerhou; met verlies wat ons stom en vertwyfeld laat, maar ook die verwondering wanneer ons besef dat Christus Immanuel is – die God wat tussen ons leef.

In Oomblikke van stilte leer ons hoe om die sagte ruising van Christus se kleed langs ons op ons Emmauspad te hoor en sy stem op ons elkedagse stofpaaie te herken.

God se stem word nooit stil nie. Hy verlang dat ons sal antwoord: “Praat, Here. Hier is ek. Ek luister.” 184

 

Briewe aan God

Attention: open in a new window. PDFPrintE-mail

BRIEWE AAN GOD vb

Kinders van God gesels op velerlei maniere met hul Vader: In die stilte van hul binnekamer. Informeel deur die loop van die dag. Soms net deur te sê: "Dankie, Vader," wanneer iets reg verloop, of: "Asseblief, Here!" wanneer daar 'n krisis is.

Briewe aan God is gesprekke in briefvorm. Kwelvrae, lewenskwessies, hartsverlangens - niks is te klein of te groot om al skrywend aan die Vader se adres te rig nie. Sy antwoord kom deur gepaste Skrifgedeeltes wat weer hoop en insig bring. Uit dié insig vloei 'n gebed - vol dankbaarheid oor die sorg van 'n alwyse, alomteenwoordige God en Vader.

logo cum 

 

 

   

Stilword by God

Attention: open in a new window. PDFPrintE-mail

gebedemetvlerke

Elke venster van my huis het ’n ander prentjie na buite.

Uit my slaapkamervenster sien ek die groot skaduboom met sy digte blare wat in die somer die koelte wyd oor ons tuin sprei en wintertye sy kaal swart takke na alle kante toe uitstrek.

Uit ons sitkamervenster kyk ek op ons avokadopeer- en suurlemoenboom wat met hul blinkgroen blare en vruggies seënend oor die agterplaas waak. Die groot skuifdeure maak oop op die stoep vanwaar ons wyd kan uitkyk oor die tuin met sy hol waterklip waarin die voëls bad en selfs ’n skugter eekhoring kom water drink. Die grasperk vertel van rus en samesyn en hartsbelewenisse.

Uit my kombuisvenster kry ek ’n glimp van die lewe anderkant my sparretjiesheining: Die grys straat met sy fietsers en skoolkinders op skaatsplanke. Ma’s met kinderwaentjies en ouer mense met kieries. Drawwers met hul honde aan leibande. Werkers wat in die loom middagson terugkeer huis toe.

Ek word stil by God. Ek sit in sy teenwoordigheid en kyk na buite - deur vensters wat oopmaak op die seën en vervulling wat Hy vir my in gedagte het.

 

 

 

Gebede met Vlerke

Attention: open in a new window. PDFPrintE-mail

gebedemetvlerke

Help jou kinders om spontaan en gemaklik met God te praat oor hulle vreugdes en hartseer en besorghede - en daarmee vol te hou!

Gebede met vlerke moedig laerskoolkinders deur gesels-gebede aan om die avontuur van gebed te ontdek en uiteindelik selfstandig en met vrymoedigheid te kan bid. 

Kyk na die video: https://youtu.be/Iq6mS7uWoWA

 

   

101 Avonture saam met God

Attention: open in a new window. PDFPrintE-mail

101avonturesaammetgod

101 opwindende stories wat kinders se oë sal oopmaak vir die klein én groot wonders in die wêreld.

Die lewe is ’n groot avontuur – veral as jy nog ’n kind is wat elke dag nuuskierig na nuwe dinge soek.

Lizette Murray herinner kinders aan hul groot­ste Reisgenoot in 101 avonture saam met God. Met die 101 oordenkings nooi Lizette Murray kinders saam met haar op ’n reis van stories vol opwinding wat hulle oë sal oopmaak vir die klein én groot wonders in die wêreld. Die kort stories wys op hulle vlak vir kinders hoe God in elke avontuur – goed of sleg – saam met ons is. Die boek sluit ook af met en ’n paar lekker speletjies.

101 avonture saam met God sal kinders in­trek in die avontuur wat God spesiaal vir hulle geskep het.

Ook beskikbaar in Engels onder die titel 101 adventures with God

 logo cum amazon

 

In Die Ligkring Van Sy Teenwoordigheid

Attention: open in a new window. PDFPrintE-mail

indieligkring

Ek bid, omdat alles deur gebed in plek val. Christus raak die middelpunt van my hart se roeringe – nie meer ekself nie  – en ek begin bewus word van sy Majesteit en Koningskap en Heerskappy. Dit verander my wêreld…
Dít is die wese van gebed.

Wanneer ons nie bid nie, verskraal ons ons lewe. God wíl hoor wat ons sê. Hy wíl hoor dat ons Hom nodig het, al weet Hy reeds wat in ons harte omgaan. Hy wíl hê dat ons dwarsdeur ons besige dae sal stil word en by Hom gaan sit.

Dit is die kern van die gebede en mymeringe in hierdie bundel. Dis gesprekke met God. Soms is dit rustige langbeen-geselse oor dit en dat. Soms kort, intense gebede. Soms uitroepe van vreugde oor God se goedheid en sorg. Ander kere smeekroepe. Of klaagsange.

God wag reeds vir ons... Want Hy wil ons seën. Elke dag. In klein en groot gebeure. In sigbare en onsigbare dinge. In ons jubeling – én in ons pyn. Al wat Hy vra, is dat ons sal stil word en in die Ligkring van sy teenwoordigheid tot rus sal kom – daar waar Hy Homself aan ons wil openbaar.

amazon

   

Page 1 of 2

Fotomuur

Foto's

random5.jpg

Copyright © 2010. Lizette Murray. All rights reserved.
Designed and Hosted by Webnic

mooCow mooCow mooCow
mooCow